नयाँ दिल्ली २३ चैत–भारतको तीन दिने राजकीय भ्रमणको शिलशिलामा प्रधानमन्त्री केपी शर्मा ओली भारतको राजधानी नयाँ दिल्ली अाइपुगेका छन् ।

प्रधानमन्त्री ओलीलाई भारतीय गृहमन्त्री राजनाथ सिंहले इन्दिरा गान्धी अन्तर्राष्ट्रिय विमानस्थलमा स्वागत गरेका छन् । 

ओली विमानस्थलबाट व्यवसायीले आयोजना गरेको कार्यक्रममा सहभागी हुन होटल ताजमा जानेछन् ।

त्यसपछि ओली दूतवासमा नेपाली समुदायलाई सम्बोधन गर्ने कार्यक्रममा सहभागी हुनेछन् । 

प्रधानमन्त्री ओलीले भोलि शनिवार मात्र महत्वपूर्ण राजनीतिक भेटवार्ता गर्नेछन् ।