काठमाडौं, २१ माघ — अमेरिकाका रक्षामन्त्री जेम्स म्याट्टिसले उत्तर कोरियाका तर्फबाट कुनै पनि खालको आणविक हतियार प्रयोग भएमा कडा जवाफ फर्काइने बताएका छन् ।
शुक्रवार म्याट्टिसले दक्षिण कोरियालाई अमेरिकाको निरन्तर सहयोग रहने प्रतिबद्धता जनाउँदै उत्तर कोरियालाई चेतावनी दिएका हुन् ।
उत्तर कोरियाले लगातार क्षेप्यास्त्र र आणविक परीक्षण गरिरहेको अनि धम्कीहरू दिइरहेकोले उक्त क्षेत्रमा त्रासको वातावरण छ ।
दोस्रो विश्वयुद्धपछिको रक्षा सम्झौता अन्तर्गत अमेरिकाले दक्षिण कोरिया र जापानमा भारी मात्रामा सैनिक तैनाथ गरेको छ ।
अमेरिकाका राष्ट्रपति डोनाल्ड ट्रम्पले अमेरिकाको सुरक्षा चाहने हो भने दुवै देशले बढी रकम तिर्नुपर्ने बताएका थिए ।
तर म्याट्टिसले दुई देशको भ्रमण गरेर उनीहरूलाई अमेरिकाको सदैव साथ रहने आश्वासन दिएका छन् ।
बीबीसीबाट
