विराटनगर, २९ चैत– एक नम्बर प्रदेश संसद बैठक आथज उकै दिन ४ पटक बसेको छ । दिउँसो १ बजेको लागि बोलाईएको बैठक एक बजेर ३५ मिनेटमा शुरु भएको थियो ।

बैठक शुरु भएसँगै प्रदेश प्रमुख डा गोबिन्द तुम्बाहाङले चालु आर्थिक बर्षको नीति तथा कार्यक्रम प्रस्तुत गरेका थिए । उनले प्र्रस्तुत गरेको नीति तथा कार्यक्रम सकिने बितिकै प्रदेश संसद १५ मिनेट मै स्थगित भएको थियो । स्थगित भएको बैठक फेरी १५ मिनेटमा बोलाइएको थियो ।

उक्त बैठकमा प्रदेश प्रमुखले प्रस्तुत गरेको नीति तथा कार्यक्रमलाई संसदमा मुख्यमन्त्रीले टेबुल गरेका थिए । त्यस्तै बैठकमा माओवादीका सांसद  टंक आङ्बोले धन्यवाद ज्ञापन गरे भने एमालेका सांसद राजकुमार ओझाले त्यसको समर्थन गरेर ५ मिनेट बैठक बसेर स्थगित भएको थियो । स्थगित भएको संसद बैठक दिउँसो ४ बजेलाई बोलाइएको थियो ।

४ बजे पछि बालाइएको बैठकमा आर्थिक मामिला तथा योजना मन्त्री ईन्द्र बहादुर आङ्बोले प्रस्तुत गरेको बजेट भाषण गछि १५ मिनेट स्थगित गरेर बैठक फेरी बोलाइएको थियो । बैठकले आजै संसदबाट १ नम्बर प्रदेश सरकारको नीति तथा कार्यक्रम ल्याएको छ भने  आजै बजेट संसदमा प्रस्तुत गरिएको छ ।