२३ जेठ २०८३, शनिबार
काठमाडौं, ११ वैशाख– नेपाली कांग्रेसको केन्द्रीय कार्यसमिति बैठक आज पनि बसिरहेको छ । पार्टी केन्द्रीय कार्यालय सानेपामा जारी बैठकमा निर्वाचनमा पार्टीले बेहोरेको हारको समीक्षा भइरहेको छ ।
बैठकमा हालसम्म ६० जना केन्द्रीय सदस्यले धारणा राखिसकेका छन् । निर्वाचन पराजयको समीक्षा गर्न चैत ९ गतेदेखि जारी केन्द्रीय समिति बैठकमा आज केन्द्रीय सदस्य गगन थापालगायतले धारणा राख्ने कार्यसूची रहेको छ ।
केन्द्रीय सदस्यले आफ्नो भनाइ राखिसके पछि सभापति शेरबहादुर देउवाले पदाधिकारी टुंगो लगाउने तयारी गरेका छन् । सभापति देउवाले बाँकी रहेका पदाधिकारी मनोनयन गरी केन्द्रीय समितिबाट पारित गराउन प्रस्ताव पेस गर्ने तयारी गरेको उनको निजी सचिवालयले जनाएको छ ।
