काठमाडौं, २८ वैशाख– नेपालको २ दिने राजकीय भ्रमणका लागि भारतीय प्रधानमन्त्री नरेन्द्र मोदी काठमाडौं आइपुगेका छन् ।

शुक्रवार बिहान जनकपुर आएका मोदी जानकी मन्दिरमा पूजा गरेर नागरिक अभिनन्दन ग्रहण गरी अपराह्न काठमाडौं आइपुगेका हुन् ।

त्रिभुवन अन्तर्राष्ट्रिय विमानस्थलमा मोदीलाई परराष्ट्रमन्त्री प्रद्रीप ज्ञवालीले स्वागत गरेका छन् । विमानस्थलबाट मोदी सिधै होटल हायात प्रस्थान गरेका छन् ।

मोदीलाई शुक्रवार नै टुँडिखेलमा राजकीय सम्मान (गार्ड अफ अनर) प्रदान गर्ने कार्यक्रम छ ।

मोदीले शुक्रवार नै राष्ट्रपति विद्यादेवी भण्डारी र उपराष्ट्रपति नन्दबहादुर पुनलाई भेट्ने कार्यक्रम छ ।