१७ असार २०८३, बुधबार
काठमाडौं, ४ जेठ– नेपाल कम्युनिस्ट पार्टी गठन भएसँगै केन्द्रीय समिति, पोलिटव्यूरोलाई पूर्णता दिन नेताहरु कसरतमा जुटेका छन् ।
जेठ तीन(हिजो) तत्कालिन नेकपा एमाले र माओवादी केन्द्रबीच एकिकरण भएसँगै गठन भएको नेकपामा केन्द्रीय समिति र पोलिटव्यूरोलाई पूर्णता दिन नेताहरु जुटेका हुन् ।
तत्कालिन एमाले र माओवादीले ४ सय ४१ सदस्यीय केन्द्रीय समिति बनाउने निर्णय गरेका छन् ।
जसमा तत्कालिन एमालेले २ सय ४१ जना केन्द्रीय सदस्य पाएको छ । एमालेले अब ४० जना नयाँ केन्द्रीय सदस्य छान्नुपर्ने छ । उसले आफ्ना यसअघिका स्थायी समितिका सदस्यहरुलाई नै नेकपाको स्थायी समितिमा पठाउने भएकाले त्यसमा समस्या छैन । बाँकी रहेका ४० जना केन्द्रीय सदस्य चयनका लागि तत्कालिन एमाले नेताहरु सक्रिय भएका छन् । थपिने केन्द्रीय सदस्यमा पर्नका लागि नेताहरुले दौडधुप गरिरहेका छन् ।
माओवादीले पनि छान्दै
त्यस्तै तत्कालिन नेकपा माओवादीले २०० सय जना केन्द्रीय सदस्य छान्नु पर्नेछ । त्यस्तै १९ जना स्थायी समिति सदस्यका तत्कालिन माओवादीले छान्नु पर्ने छ । माओवादीमा यसअघि करीब ४ हजार केन्द्रीय सदस्य रहेका थिए । जसका कारण उसले केन्द्रीय सदस्य तथा स्थायी समितमा नेताहरु चयन गर्नु पर्ने छ ।
यसका लागि तत्कालिन माओवादी नेताहरु आन्तरिक छलफलमा जुटेका छन् ।
तत्कालिन नेकपा एमाले र माओवादीले स्थायी समिति, केन्द्रीय समितिका सदस्यहरुको टुंगो लगाएपछि पोलिटव्यूरोको टुंगो लगाउने तयारी गरेका छन् ।
यसअघि विहिबार नेकपा दल दर्ताका लागि निर्वाचन आयोगमा बुझाइएको पत्रमा नेकपा एमालेका तर्फबाट उपलव्ध भएका केन्द्रीय सदस्य र माओवादीका तर्फबाट सचिवालय सदस्यहरुले मात्र हस्ताक्षर गरेका थिए ।
तल्ला कमिटीहरुको एकीकरण
घोषणा सभामा नेकपाका अध्यक्ष केपी ओली र प्रचण्डले केही समयभित्रैमा तल्ला कमिटि र जनवर्गिय संगठनहरुको एकता गर्ने बताएका थिए । केन्द्रीय कमिटिको आकारका आधारमा तल्ला कमिटिहरु बनाउने प्रस्ताव पार्टी विधान मस्यौदा कार्यदलले गरेको छ ।
