१२ असार २०८३, शुक्रबार
काठमाडौं, १७ जेठ - नेपाल सरकारले शुरुवात गरेको वीर अस्पताल सरसफाइ कार्यक्रममा सहभागी धुर्मुस-सुन्तली फाउन्डेसनमाथि गम्भीर आरोप लागेको छ ।
आजको नेपाल समाचारपत्रले लेखेको छ- फाउन्डेसनमाथि अस्पताल सफाइको नाममा लाखौं रकम असुल गरेको आरोप लागेको छ ।
शताब्दी इतिहास बोकेको फोहोर र प्रदुषित वीर अस्पताल सरसफाइको नाममा धुर्मुस सुन्तली फाउन्डेसनले मनपरी ढंगले सहयोग उठाइरहेको पाइएको छ ।
तर कलाकार सीताराम कट्टेल धुर्मुसले भने सरकारले सरसफाइ मात्रै भनेको तर, रङ रोगन पनि गर्नुपर्ने भएकाले फाउन्डेसनमार्फत अपुग सहयोग मागेको बताएका छन् ।
प्रारम्भिक चरणमा सरसफाइ मात्र गर्ने अभियान भएको र पछि नमुना अस्पताल बनाउनुपर्छ भन्ने लागेर निःस्वार्थ रुपमा अस्पताल सरसफाइ र रङरोगनमा लागेको उनको दाबी छ ।
