१९ असार २०८३, शुक्रबार
काठमाडौं, २४ जेठ – बेलायतको राजधानी लन्डनको मन्डारिन ओरिएन्ट होटलमा बुधवार आगो लाग्यो । आगो भीषण भएका कारण त्यसलाई निभाउनका लागि कैयौं दमकललाई घटनास्थलमा पठाइयो ।
दमकल विभागले दमकलका १२० गाडी र २० फायर इन्जिनलाई आगो निभाउन पठाएको थियो ।
आगो १२ तल्ले नाइट्सब्रिज होटलमा लागेको थियो । यो क्षेत्र मध्य लन्डनको सबभन्दा महंगो क्षेत्रमा पर्छ जहाँ ह्यारोड्स स्टोर पनि छ ।
आगो एकदम भीषण भएको विभागले बतायो । चारैतिर धूवाँको मुश्लो थियो ।
दमकलकर्मीहरूलाई स्थानीय समयअनुसार राति ८ बजेर २५ मिनेटमा आगोको सूचना आयो ।
होटलबाट सुरक्षित निकालिएकी एक टीभी प्रस्तोता अन्ना ह्वाइट्लीले ट्वीट गरिन्, ‘भर्खरै मन्डारिन ओरिएन्ट होटबाट निस्कँदैछु । यो अस्तव्यस्त स्थिति हो । सबैजनालाई सुरक्षित निकाल्ने संयुक्त प्रयासबाट म प्रभावित छु ।’
एजेन्सी
