१३ असार २०८३, शनिबार
काठमाडौं, २५ जेठ– प्रतिनिधिसभा नियमावली, २०७५ पारित भएको छ ।
शुक्रबार बसेको प्रतिनिधिसभा बैठकले प्रतिनिधिसभा नियमावली, २०७५ बहुमतले पारित गरेको हो ।
प्रतिनिधिसभा नियमावली मस्यौदा समितिका सभापति कृष्णभक्त पाखरेलले नियमावली पारित गरियोस् भनि राखेको प्रस्ताव बहुमतले पारित गरेको हो ।
नियमावलीको विपक्षमा सांसदहरु प्रेम सुवाल र दुर्गा पौडेलले मतदान गरेका थिए ।
नियमावलीका नेपाली कांग्रेसले पेश गरेको संशोधन सहमतिभएसँगै फिर्ता लिएको थियो । दलहरुबीच फौजदारी अभियोग लागेका सांसदहरुको पद निलम्बन नगर्ने सहमति भएको थियो ।
प्रमुख प्रतिपक्षी नेपाली कांग्रेसले फौजदारी अभियोग लागेका सांसदलाई संसदको नियमावलीको अधिनमा रहेर निलम्बन गर्न नहुने अडान लिएको थियो। निलम्बनको प्रावधान राजनीतिक प्रतिशोध साँध्न प्रयोग हुने कांग्रेसको तर्क थियो।
