२२ जेठ २०८३, शुक्रबार
काठमाडौं, ४ असार – भारतको उत्तराखण्डको राजधानी देहरादूनमा आइतवार राति अचम्मको सडक दुर्घटना भएको छ ।
बाइक र ट्रक ठोक्किँदा २१ वर्षीय एक विद्यार्थीको जिभ्रो काटियो अनि घाँटीमा गएर फस्यो । अस्पतालमा उपचारका क्रममा उनको मृत्यु भयो ।
आलोक दुराह नामक ती व्यक्ति प्रेमनगर इलाकामा बायकमा गइरहेका थिए । त्यतिखेरै ट्रक र मोटरसाइकल जुधे ।
पश्चिम बंगालको जलपाईगुडीमा बस्ने आलोक आफ्ना साथी जेआर जोनसोनसँग बाइकमा गइरहेका थिए । जोनसन पनि दुर्घटनामा मारिए । दुवैजना दून पीजी कलेजमा बीएससी पढिरहेका थिए ।
प्रहरीका अनुसार टाउकोमा गम्भीर चोट लागेका कारण जोनसोनको घटनास्थलमै मृत्यु भयो । बाइकमा पछिल्तिर बसेका आलोकलाई गम्भीर अवस्थामा अस्पताल लगियो र त्यहीँ उनको मृत्यु भयो । जिभ्रो घाँटीमा अड्किएपछि सास
रोकिएर उनको मृत्यु भएको हो ।
प्रहरीले बतायो, ‘प्रत्यक्षदर्शीहरूले बताएअनुसार, भिडन्तका बेलामा दुवै युवकले हेल्मेट लगाएका थिएनन् तर हेल्मेट बोकेका भने थिए ।’
एजेन्सी
