काठमाडौं – इंग्ल्यान्डविरुद्धको तेस्रो तथा अन्तिम एकदिवसीयमा भारतको हारपछि पूर्वकप्तान महेन्द्र सिंह धोनीले गरेको क्रियाकलापका कारण उनको संन्यासको अनुमान लगाइएको छ ।

तर भारतीय क्रिकेट टोलीका प्रशिक्षक रवि शास्त्रीले यी खबरहरूमा सत्यता नभएको बताएका छन् । 

उनका अनुसार, खासमा धोनीले अम्पायरसँग बल लिएर त्यसलाई बलिङ प्रशिक्षक भारत अरुणलाई देखाउन खोजेका थिए । बलको हालत देखेर त्यसको मूल्यांकन गराउने उद्देश्य धोनीको थियो । त्यो बल कसरी खेलिनुपर्थ्यो भन्ने कुरा धोनी जान्न चाहन्थे । 

संन्यासको कुरा झिक्नेहरूलाई रविले आलोचना गरे । उनले भने, ‘यो सब बकवास हो । उनी कहीँ गइरहेका छैनन् ।’

इंग्ल्यान्डसँगको खेलपछि एउटा भिडियोमा धोनीले अम्पायरसँग बल लिएको देखिएपछि उनको संन्यासको अनुमान गरिएको थियो ।

एजेन्सी

यो पनि पढ्नुस्

महेन्द्र सिंह धोनीले वानडे क्रिकेटबाट पनि संन्यास लिने ?​