२२ असार २०८३, सोमबार
काठमाडौं – अमेरिकाको अलाबामामा बस्ने २० वर्षीय एक युवक वाल्टर पहिलो जागिरको पहिलो दिन ढिलो कार्यालय पुग्न चाहँदैनन् । तर उनको कार बिग्रियो ।
अनि वाल्टरले रातभरि हिँडेर नै भोलिपल्ट बिहान समयमा कार्यालय पुग्ने निर्णय गरे । बाटोमा उनले ट्याक्सी पनि पाएनन् र कुनै सहायता पनि भेटेनन् ।
कामप्रति उनको लगन देखेर लजिस्टिक कम्पनी बेलहोप्स फर्मका प्रमुख कार्यकारी ल्युक मार्कलिनले उनलाई उपहारमा कार दिए ।
वाल्टर अलाबामाको होमवूड इलाकामा बस्छन् । रातभरि हिँडेर उनी बिहान चार बजे पेल्हाम पुगे । त्यहाँ प्रहरीले उनलाई ब्रेकफास्ट दियो र अफिसमा पु–याइदियो ।
वाल्टर अफिस पुग्दा त्यहाँ काम गर्ने जेनी लेमी र उनका पतिले उनलाई आराम गर्न भने तर उनी सीधै काममा लागे । उनले फेसबूकमै गोफन्डमी पेज बनाए । त्यो पेजमार्फत अहिलेसम्म आठ हजार डलर जम्मा भइसकेको छ ।
जेनीले जानकारी दिएअनुसार, वाल्टरको घर क्याट्रिना तुफानमा ध्वस्त भएको थियो । त्यसपछि उनी आफ्नी आमासँग लुइजिनियाबाट अलाबामा आएका थिए । उनी अमेरिकी जलसेनामा जान चाहन्थे ।
एजेन्सी
