२८ जेठ २०८३, बिहीबार
काठमाडौं – पाकिस्तानमा बुधवार भइरहेको आमनिर्वाचनका क्रममा क्वेटा शहरमा बम विस्फोट हुँदा ३१ जनाको ज्यान गएको छ ।
अन्यत्र पनि सानातिना विस्फोट र विपक्षी दलका कार्यकर्ताबीच भएको झडपमा कैयौं घाइते भएका छन् भने दुईजनाको मृत्यु भएको छ ।
यो निर्वाचनमा पूर्व क्रिकेट स्टार इमरान खान र पूर्वप्रधानमन्त्री नवाज शरीफको पार्टी प्रमुख प्रतिस्पर्धी छन् ।
चुनाव अभियान अवधिभरि हिंसा र धोकाधडीका घटनाको चिन्ता व्यक्त गरिएको छ ।
देशभरि कडा सुरक्षा व्यवस्था गरिएको भएपनि हिंसाका घटना भइरहेका हुन् । तीन लाख ७० हजार सैनिक र हजारौं प्रहरीलाई मतपेटिका सुरक्षामा खटाइएको छ ।
प्रहरीका अनुसार, बलोचिस्तान प्रान्तमा रहेको क्वेटामा गरिएको आक्रमण आत्मघाती आक्रमणकारीले गराएको हो । उसले एक मतदान केन्द्रको ढोकालाई लक्षित गरेको प्रहरीको भनाइ छ । इस्लामिक स्टेट समूहले घटनाको जिम्मेवारी लिएको छ ।
बीबीसीबाट
