०८ असार २०८३, सोमबार
काठमाडौं– प्राध्यापक डाक्टर गोविन्द केसी र सरकारबीच ९ बुँदे सहमति भएको छ । उनले केहिबेरमा अनसन तोड्ने कार्यक्रम रहेको छ ।
केसी र सरकारबीच १० वर्षसम्म काठमाडौंमा नयाँ मेडिकल कलेज नखोल्ने अध्यादेशअनुसार नै चिकित्साशास्त्र विधेयक ल्याउने लगायतका महत्वपूर्ण बुँदामा सहमति भएका छन् ।
केसीको मागका सम्बन्धमा सरकार र केसी पक्षीय वार्ता टोलीबीच प्रधानमन्त्री निवास बालुवाटारमा सहमति जुटेसँगै केसीले बिहिबार राती अनसन तोड्न लागेका हुन् ।
चिकित्सा शिक्षा सुधारको माग राख्दै १५ औं पटकको अनसनमा रहेका केसी र सरकारी वार्ता टोलीबीच यसअघि भएको भनिएको ९ बुँदे सहमतिमा पुनः समस्या उत्पन्न भएको थियो ।
केसीले काठमाडौंमा १० वर्षसम्म मेडिकल कलेज खोल्न नपाइने बुँदालाई सहमति पत्रमा उल्लेख गर्नुपर्ने अडान लिएका थिए । त्यसपछि विवादित विषयमा सहमति जुटाउन बालुवाटारमा प्रधानमन्त्रीकै उपस्थितिमा वार्ता भएको थियो । सो वार्तामा सहमति जुटेसँगै केसी अनसन तोड्न राजी भएका हुन् ।
