२९ असार २०८३, सोमबार
फेशन तथा लाइफस्टाइल म्यागजिन ‘भोग’ को भारतीय संस्करणको कभर पेजमा शाहरुख खानकी छोरी सुहना खानको फोटो छापिएको छ ।
तर सामाजिक सञ्जालहरुमा यसको आलोचना भइरहेको छ ।
केही आलोचकहरुले सुहाना खान यसका लागि सक्षम नभएको टिप्पणी गरेका छन् ।
सुहानाले यो स्थानमा पुग्नका लागि केही पनि नगरेको आरोप लागेको छ ।
भोग म्यागजीनको कवर पेजमा सामान्यतया टप मोडल, अभिनेत्री तथा चर्चित हस्तीहरुको तस्वीर छापिने गरेको थियो ।
पत्रिकासँगको कुराकानीमा सुहाना स्वयंले स्वयंलाई‘छात्रा, थिएटर प्रेमी तथा भविष्यकी स्टार’ बताएकी छिन् ।
यो फेशन शुटको स्टाइल वोग इन्डियाको फेशन डायरेक्टर अनाइता श्राफ अदजानियाले तयार गरेका हुन् जो शाहरु खानका एक पुराना साथी पनि हुन् ।
त्यसमा सुहानको पहिलो फोटोशूट र अन्तर्वार्ता पनि छ ।
म्यागजीनले आफ्नो इन्स्टाग्राम ह्यान्डलमा पनि यो कभर पेजलाई शेयर गरेको छ र यसमा ३६ हजार भन्दा धेरै लाइक आएको छ ।
आलोचना गर्नेहरुमध्ये कामका लागि संघर्ष गरिरहेका अभिनेत्री पनि सामिल छन् ।
उनीहरुले शाहरुखका कारण सुहानाले कुनै संघर्ष र योगदान विना नै स्थान पाएको भन्दै आलोचना भएको छ । पत्रिका सार्वजनिक कार्यक्रममा यसअघि सुहानाका बुबा शाहरुख खान निकै भावुक भएका थिए ।
