०१ असार २०८३, सोमबार
काठमाडौं –यातायात क्षेत्रमा रहेको एकाधिकार (सिन्डिकेट) तोडिएपछि काठमाडौं उपत्याकामा विभिन्न नयाँ कम्पनीले सार्वजनिक बस सञ्चालन गर्न थालेका छन् ।
थ्रिफ्ट मल्टिपर्पोज प्रा.लि.ले समृद्धि यातायातको नामबाट काठमाडौंको नयाँ रुटमा स्तरीय बस सेवा सञ्चालनमा ल्याउन लागेको छ । टाटा कम्पनीका ठूला बस निलो कलरमा रंग्यााइएको छ ।
समृद्धि यातायातका बस काठमाडौंको नयाँ बसपार्कबाट गोंगबु, महाराजगञ्ज, जमल, शहीद गेट, टेकु, कालीमाटी, कलंकी हुँदै नयाँ बसपार्कमा पुग्नेछ ।
पछिल्लो समय काठमाडौंमा ऋद्धिसिद्धि र लालुपाते यातायातले पनि सेवा शुरु गरेका छन् ।
लालुपाते यातायातका बस बल्खुबाट कालीमाटी, त्रिपुरेश्वर, बानेश्वर, कोटेश्वर, सातदोबाटो हुँदै पुःन बल्खु र बल्खुबाट सातदोवाटो, बानेश्वर हुँदै सोही रुटमा चल्ने गरेको छ ।
ऋद्धिसिद्धिका बस भने नख्खुदेखि महाराजगञ्ज तथा महाराजगञ्ज, पुतलीसडक, बानेश्वर, कोटेश्वर, सातदोबाटो हुँदै लगनखेलसम्म सञ्चालन हुने गरेको छ ।
