लहान, ८ फागुन - प्रधानमन्त्री पुष्पकमल दाहाल ‘प्रचण्ड’ले संविधान संशोधन गरेर छिट्टै निर्वाचनमा जानु सरकारको मुख्य दायित्व भएको बताएका छन् ।
सिरहाको लहानमा आजदेखि सुरु भएको श्रीमद्भागवत महापुराण ज्ञान सप्ताह महायज्ञको उद्घाटन गर्दै प्रधानमन्त्री दाहालले संविधान संशोधन गरेर निर्वाचनमा जानुको विकल्प नभएकाले संविधान संशोधन प्रस्ताव पारित गराएर चुनावको घोषणा गरिने बताए । उनी हेलिकप्टर चढेर सो महायज्ञको उद्घाटनमा पुगेका थिए ।
शान्ति, सङ्घीयता, धर्मनिरपेक्षता र गणतन्त्रको रक्षाका लागि संविधान कार्यान्वयन जरुरी भएको बताउँदै प्रधाननन्त्री दाहालले संविधान संशोधन गरेर चुनाव गराउन नसकिए अहिलेसम्म प्राप्त उपलब्धी गुम्ने खतरा रहेकाले यसमा सबै जनताको साथ र सहयोग आवश्यक भएको बबताए ।
पण्डित दीनबन्धु पोखरेल महायज्ञको वाचक रहेको बताइएको छ ।
