१४ असार २०८३, आइतबार
काठमाडौं–ग्राण्डी अस्पतालको १७ लाख बिल तिर्न नसक्दा चितवनको राप्ती नगरपालिका भण्डाराका रमेश हुमागाईं अस्पतालमै बन्दी बनेको खबर आजको नयाँ पत्रिका दैनिकले छापेको छ । उनी ११ जेठमा मोटरसाइकल दुर्घटनामा परेका थिए ।
दुर्घटनाका दोषी यातायात समितिले रकम भुक्तानीमा आलटाल गर्दा यो समस्या देखिएको हो । तर सिन्डिकेट अन्त्यको घोषणा गर्ने सरकार यसबारे मौन देखिन्छ ।
उनीमात्रै होइन साढे १६ लाख तिर्न नसकेपछि २९ असारमा काठमाडौंको लैनचौरस्थित मल्ल होटेलअगाडि भएको दुर्घटनामा घाइते बनेकी काभ्रेस्थलीकी सीता ढकालको अवस्था पनि उस्तै छ । ढकाल चढेको स्कुटरलाई यात्रुबाहक बसले ठक्कर दिएको थियो । केहि पहिले खोटाङको दिक्तेल रूपाकोट मझुवागढी नगरपालिकाका दीपेन्द्र श्रेष्ठले पनि बन्दी बन्नु परेको थियो ।
ग्रान्डी अस्पतालका सहायक प्रबन्धक उज्ज्वल रेग्मीले कतै न कतैबाट उपचार खर्च पाउनुपर्ने बताए । उपचार खर्च समिति र सरकार सरकार कसैले पनि नदिँदा समस्या भएको उनले बताए ।
ग्राण्डीमा मात्रै होइन अन्त्य नीजि अस्पतालमा पनि दुर्घटनाका घाइतेको अवस्था उस्तै छ ।
