काठमाडौं– काठमाडौं महानगरपालिकाले सडकमा जथाभावी रुपमा राखिएका निर्माण सामाग्री तत्काल हटाउन भनेको छ । सडकमा राखिएका त्यस्ता सामाग्रीले सवारी आवागमन प्रभावित भएको, यात्रुले असुविधा खेप्न बाध्य भएको र वातावरणसमेत प्रदूषण भएको भन्दै महानगरपालिकाले सडकमा राखिएका निर्माण सामाग्री हटाउन भनेको हो । 

महानगरपालिलाको आग्रहलाई वेवास्ता गरी सडकमै राखिएको पाइएमा त्यस्ता सामाग्री महानगरपालिकाले जफत गर्ने र जफत गर्ने क्रममा लाग्ने ढुवानी खर्च सम्बन्धी व्यक्तिबाटै असुल गरिने महानगरपालिकाले जारी गरेको सूचनामा उल्लेख छ ।