०३ असार २०८३, बुधबार
काठमाडौं — भारतको बिहारका पूर्व मुख्यमन्त्री लालु प्रसाद यादवलाई अदालतले बिरामीको बहाना बनाएर जेलबाहिर बस्न नदिएपछि उनी राँची पुगेका छन् ।
बुधवार लालुको घरको मूल ढोकामा काला जादू गरिएको देखिएको छ । लालु र राबडीको घरको गेटमा कालो कपडा बाँधिएको छ ।
लालुले पटनाबाट राँची जानुअघि मिडियासँग कुरा गरे । उनले देशमा तानाशाही बढिरहेको तर आफूलाई अदालतप्रति विश्वास रहेको बताए । आफू र आफ्नो परिवारलाई झुटो मुद्दामा फसाइएको पनि उनले बताए ।
लालुका छोरा तेजस्वीले चाहिँ मिडियाको प्रश्नको उत्तर नदिएर न्यायिक प्रक्रिया भएको मात्र बताए ।
दिनदिनै कानूनी पञ्जामा कसिँदै गएपछि लालु परिवारले गेटमा कालो कपडा बाँधेर ग्रहदोष मन्साउन खोजेको भन्दै पटनामा चर्चा चल्न थालेको छ ।
लालुको घरको गेटमा पहिले पनि टुनामुना गरिएको थियो । तेजप्रतापको बिहेका बेलामा पूरा गेटमा हरियो खुर्सानी र कागती राखिएको थियो । खराब नजरबाट बच्नका लागि यसो गरिएको हुनसक्ने मानिसले अनुमान गरेका थिए ।
आजकल लालु यादव ज्योतिषीहरूको कुरा मान्ने बताइएको छ । उनले केही समययता मासु खान पनि छोडेका छन् । एक ज्योतिषको सल्लाहमा उनले यसो गरेको बताइएको छ । पछि थाहा भयो, ती ज्योतिषलाई लालुले नै पार्टीविरोधी
बयान दिएको आरोपमा पार्टीबाट निकालेका थिए ।
जागरण डट्कमबाट
