काठमाडौं– पाकिस्तानसँगै जोडिएको पूर्वी अफगानिस्तानमा भएको आत्मघाती बम आक्रमणमा कम्तीमा ६८ जनाको मृत्यु भएको छ । अधिकारीहरूका अनुसार नान्गरहार प्रान्तमा आत्मघाती आक्रमणकारीले स्थानीय प्रहरी प्रमुखको विरोध गरिरहेका मानिसहरूको समूहलाई निशाना बनाएको छ ।

मङ्गलवार भएको सो आक्रमणमा मृत्यु भएकाहरूको सङ्ख्या बढेर ६८ पुगेको हो । १६५ जना घाइतेलाई स्थानीय अस्पतालहरूमा भर्ना गरिएको छ । अफगानिस्तानमा केही समययता गरिएका आक्रमणहरूमा सयौँ जनाको मृत्यु भएको छ । 

त्यहाँ आउँदो अक्टुबर महिनामा निर्वाचन गरिँदैछ । मङ्गलवार गरिएको आक्रमणको कुनै पनि समूहले जिम्मा लिएको छैन ।