०८ असार २०८३, सोमबार
काठमाडौं — अमेरिकाको पूर्वी तटमा फ्लोरेन्स आँधीका कारण भयानक वर्षा भइरहेको छ र १२ जनाको मृत्यु भएको छ ।
भारी वर्षाका कारण भीषण बाढी आएको छ ।
केही शहरहरूमा दुई दिनमा ६० सेन्टीमिटर वर्षा भएको छ र केही ठाउँमा एक मिटर वर्षा हुने भविष्यवाणी गरिएको छ ।
आँधी पश्चिमतिर तीन किलोमिटर प्रतिघन्टाको गतिमा बढिरहेकाले थप समुदायहरू बाढीमा डुब्ने जोखिम रहेको छ ।
‘आँधीले भारी मात्रामा वर्षा गराइरहेको छ र केही ठाउँमा इन्च भन्दा पनि फीटमा नाप्नुपर्ने स्थिति छ,’ नर्थ क्यारोलाइनाका गभर्नर रोय कपूरले बताए ।
उनले स्थानीयहरूलाई घर नफर्कन आग्रह गरेका छन् र राज्यका सबै सडकमा बाढीको जोखिम रहेको चेतावनी दिए ।
अमेरिकाका राष्ट्रपति डोनल्ड ट्रम्पले नर्थ क्यारोलाइनाका आठ काउन्टीमा संकटकाल घोषणा गरेका छन् । यसले उद्धारकार्यमा संघीय लगानी खन्याउन सहज बनाउनेछ ।
ह्वाइट हाउसका अनुसार राष्ट्रपति अर्को हप्ता उक्त क्षेत्रमा जानसक्ने बताएको छ ।
अमेरिकी सञ्चारमाध्यमहरूले आँधीका कारण १२ मानिसको मृत्यु भएको जनाएका छन् ।
बीबीसीबाट
