०९ साउन २०८३, शनिबार
काठमाडौं–सरकारले मुलुकी फौजदारी अपराध संहिताको अनुसूची हेरफेर गरेको छ । मन्त्रिपरिषद्को आइतबार अबेर सम्पन्न बैठकले सबै प्रकारका ठगी मुद्दाको वादी अब नेपाल सरकार रहने निर्णय गरेको छ ।
बैठकपछि सरकारका प्रवक्ता तथा सूचना तथा सञ्चार प्रविधिमन्त्री गोकुल बास्कोटाले नेपाल वायु सेवा निगमको कार्यकारी अध्यक्षमा झापाका मदन खरेललाई नियुक्त गर्ने निर्णय भएको पनि जानकारी दिए ।
बैठकले राष्ट्रिय जीवनका विभिन्न क्षेत्रमा योगदान पुर्याउनेलाई विभुषण गर्न बनेको समितिले सिफारिस गरेमोजिम राष्ट्रपति समक्ष प्रस्ताव पेश गर्ने निर्णय गरेको पनि उनले जानकारी दिए ।
यस्तै सरकारले यसवर्षको लागि १ लाख टन चिनी आयातको कोटा निर्धारण गरेको छ । तोकिएको भन्दा बढी चिनि आयात गर्न नपाइने बास्कोटाले जानकारी दिए ।
यस्तै बैठकले उखु किसानलाई प्रति क्वीन्टल ६५ रुपैयाँ २८ पैसा अनुमाद दिने निर्णय पनि गरेको छ ।
बैठकले नेपालगन्ज्जमा रहेको कपास विकास समितिको नाम परिवर्तन गरेर राष्ट्रिय कपास विकास समिति बनाउने निर्णय भएको पनि मन्त्री बास्कोटाले जानकारी दिए ।
