०९ असार २०८३, मंगलबार
काठमाडौं — श्रीलंकाका राष्ट्रपति मैत्रीपाला सिरिसेनाको फोन नउठाएका कारण अस्ट्रियाका राजदूत र पाँच अन्य कूटनीतिक कर्मचारीलाई श्रीलंकाले फिर्ता बोलाएको छ ।
अधिकारीहरूले शनिवार बताएअनुसार, राष्ट्रपतिको फोनको जवाफ नफर्काएकाले सजायका रूपमा उनलाई फिर्ता बोलाइएको हो ।
एक आधिकारिक सूत्रका अनुसार, अघिल्लो हप्ता सिरिसेनाले भियना दूतावासमा फोन गरेका थिए । कसैले पनि फोन उठाएन अनि घन्टौंसम्म जवाफ पनि फर्काएन । तर सिरिसेनाले दूतावासमा अचानक फोन किन गर्नुपरेको थियो र
परराष्ट्र मन्त्रालयमार्फत फोन किन नगरेको भन्ने विषय स्रोतले खोलेन ।
परराष्ट्र मन्त्रालयले राजदूत फिर्ता बोलाएको पुष्टि गरेको छ तर कुनै कारण दिएको छैन । अस्ट्रियामा श्रीलंकाली दूतावासले संयुक्त राष्ट्रसंघका एजेन्सी र पाँच अन्य देशका लागि पनि काम गर्छ ।
एजेन्सी
