३० जेठ २०८३, शनिबार
काठमाडौं — इटलीको रोमस्थित विमानस्थलमा सोमवार बेवारिसे झोलाका कारण भागाभाग भयो । प्रहरीले झोलामा बम रहेको आशंका गर्दै त्यसलाई पड्काएपछि त्यहाँभित्र नरिवल पाइयो ।
नरिवल भेटेपछि प्रहरी छक्क पर्यो । घटनाका कारण विमानस्थल केहीबेरका लागि बन्द भयो ।
नेड डोनोभान नामक एक स्वतन्त्र पत्रकारले यस घटनाका बारेमा ट्विटरमा जानकारी दिए ।
डोनोभानले लेखिन्, ‘गजब, इटली प्रहरीले नरिवल भरिएको झोलालाई विस्फोट गरेर उडायो अनि प्रहरीहरू घटनास्थलबाट गए र विमानस्थलको सरसफाइ कर्मचारीलाई गर्न लगाए । उनीहरूले बम भन्ठानेको कुरा त खासमा नरिवल
पो रहेछ । मानिसहरू १० मिटर नजिकै थिए तर प्रहरीलाई बम पड्काउन डर लागेन । अझ प्रहरीले सरसफाइ पनि गरेनन् ।’
यो घटनापछि इटली प्रहरीको बिजोग देखिएको भनी मानिसहरूले ट्वीट गरेका छन् ।
एजेन्सी
