काठमाडौं — बलिउड अभिनेत्री प्रियंका चोपडा छिट्टै अमेरिकी गायक निक जोनाससँग बिहेको बन्धनमा बाँधिन लागेकी छन् । 

अहिले चाहिँ उनी संसारको भ्रमण गरिरहेकी छन् र मस्तीको मूडमा छिन् । 

हालै आलिया भट्टसँग न्युयोर्कमा देखिएकी प्रियंका लास भेगासमा संगीतकार एआर रहमानका साथ देखिइन् । प्रियंका र रहमान दुवैले सामाजिक सञ्जालमा तस्वीर पनि शेयर गरे । 

प्रियंका एक सांगीतिक समारोहमा भाग लिन पुगेकी थिइन् । त्यसमा एआर रहमानले पर्फर्म गरेका थिए । 

प्रियंका र निकको बिहेको खबर खुबै चलिरहेको छ । रिपोर्टअनुसार, उनीहरू डिसेम्बर २ मा बिहे गर्न गइरहेका छन् । 

एजेन्सी