काठमाडौं– सवारी दुर्घटनामा घाइते भएका प्रहरी नायव महानिरीक्षक (डीआईजी) सुशील भण्डारीको मृत्यु भएको छ । 

काभ्रेको मण्डन देउपुर नगरपालिकाको ढकालथोकमा शनिवार दिउँसो भएको जीप दुर्घटनाका क्रममा घाइते डीआइजीको धुलिखेल अस्पतालमा उपचारका क्रममा निधन भएको प्रहरी प्रवक्ता एसएसपी उत्तमराज सुवेदीले लोकान्तरलाई जानकारी दिए ।

दुर्घटनामा अन्य दुई जनाको निधन भएको थियो । 

काभ्रेपलाञ्चोकको मण्डन देउपुर नगरपालिका–६ ढकालथोकमा दिउँसो बा ३ च २८७ नं को ल्याण्डक्रुज जीप दुर्घटना हुँदा पत्रकार जीवन पराजुलीसहित दुईजनाको घटनास्थलमै मृत्यु भएको थियाे । दुर्घटनामा जीपका चालकसहित अन्य ४ जना घाइते भएकाेमा डीअार्इजी भण्डारीकाे उपचारका क्रममा मृत्यु भएकाे हाे । अन्य घाइतेकाे धुलीखेल अस्पतालमा उपचार भइरहेकाे प्रहरीले जनाएकाे छ । 

प्रहरी प्रधान कार्यालयअन्तर्गत अन्वेषण योजना निर्देशनालयमा कार्यरत डीआईजी भण्डारी एक निजी कार्यक्रममा सहभागी हुन शनिवार मण्डन देउपुर गएका थिए ।