काठमाडौं–कलंकी–कोटेश्वर आठ लेनको सडक सञ्चालनमा आएकोे छ । कलंकीबाट बल्खु, सातदोबाटो हुँदै कोटेश्वरसम्मको १० दशमलव ३७ किलोमिटर सडक स्तरोन्नतिको काम सकिएपछि सञ्चालनमा आएको हो । 

सडक चीन सरकारको सहयोगमा साङ्घाइ कन्स्ट्रक्सनले सन् २०१२ डिसेम्बरमा निर्माण शुरु गरेको थियो ।   

त्यसबीचमा  भूकम्प, नाकावन्दीजस्ता कारण देखाउँदै आयोजनाले काम केही समय ढिलो सपन्न भएको हो । 

मुख्य सडक (बीचको सडक)मा प्रतिघण्टा ५० किलोमिटरको गतिमा सवारी चलाउनुपर्नेछ । यस्तै रिलिफ रोड (साहयक सडक)मा प्रतिघण्टा २० किलोमिटरको गतिमा सवारी चलाउन सकिने बताइएको छ ।

यस सडकखण्ड अन्तर्गत ८ सय मिटरको कलंकीमा अन्डरपास पनि छ । यो अन्डरपास पनि सन्चालनमा आएको छ ।