काठमाडौं, १७ फागुन — सैफ अली खानले खेलेका पछिल्ला पाँच फिल्म लगालग फ्लप भएपछि उनलाई फिल्ममा लिन निर्माताहरू हिचकिचाउन थालेका छन् । अस्ति शुक्रवार आएको उनको फिल्म रंगून पनि पूरै फ्लप भयो ।
शाहिद कपूर र कंगना रनावतले समेत फिल्मलाई बचाउन सकेनन् । अनि विशाल भारद्वाजको नाम पनि बिकेन ।
यो फिल्मबाट सैफको करीयर माथि जाला भन्ने ठूलो आशा थियो तर उनलाई देखेर निर्माताहरू भाग्न थालेका छन् ।
हुन पनि सैफका पछिल्ला सबै फिल्म साह्रै नराम्रो गरी फ्लप भए । बुलेट राजा, ह्याप्पी एन्डिङ, फ्यान्टम र हमशकल्स सबै पानी पनि पिउन नपाई बक्स अफिसमा पछारिए ।
यही बेलामा विशालले सैफलाई रंगूनको अफर गरे । पहिला ओंकारामा सँगै काम गरेकाले उनले सैफलाई चुनेका थिए । तर बलिउडलाई नै चक्मा दिनेगरी रंगून सुपरफ्लप भयो ।
पहिलो दिन नै शो क्यान्सल हुनेगरी पो फिल्म फ्लप भयो । स्टारको पावरले बक्स अफिसमा दर्शक तान्ने हो तर सैफको पावर नै हराएको देखिन्छ । अब सैफको हिरोका रूपमा करीयर लगभग समाप्त भएको मानिएको छ ।
हुन त सैफ कहिले पनि सुपरस्टार थिएनन् । उनको सोलो फिल्म कुनै पनि बक्स अफिसमा आगो लगाएनन् । उनले अब फिल्म निर्माणमा हात हालेर पर्दामा देखिने लोभ लुकाउनु नै उचित देखिन्छ ।
वेबदुनिया डट्कमबाट
