२५ जेठ २०८३, सोमबार
काठमाडौं– सुविन भट्टराईको चर्चित उपन्यास ‘समर लभ’मा आधारित रहेर निर्माण गरिएको चलचित्र ‘समर लभ’को टिजर सार्वजनिक गरिएको छ ।
प्रेम दिवसको अवसर पारेर माघ २५ गतेलाई प्रदर्शन मिति तोकिएको चलचित्रलाई मुस्कान ढकालले निर्देशन गरेका हुन । सुविन भट्टराईकै कथा रहेको चलचित्रमा सुविन र सामिप्यराज तिमिल्सिनाको पटकथा छ ।
चलचित्रमा आशिष पिया, रेवती क्षेत्री, सुरज सिंह ठकुरी, नम्रता सापकोटा लगायतका कलाकारको मुख्य भूमिका छ । पुस्तकका केही प्रेमवाला संवादलाई स्थान दिई तयार पारिएको टिजर निकै आकर्षक लाग्छ ।
नाइटिङ्गल इन्टरटेन्मेन्टको प्रस्तुतिमा तयार भएको चलचित्रमापुष्पन प्रधानको शब्द तथा संगीत, कविराज गहतराजको कोरियोग्राफी, मानकृष्ण महर्जनको छायांकन तथा अर्जुन जीसीको सम्पादन छ । चलचित्रमा खगेन्द्र श्रेष्ठ र इन्दु भण्डारीको लगानी छ ।
