काठमाडौं — मंग्रलग्रहका रहस्यहरू पत्ता लगाउनका लागि अमेरिकी अन्तरिक्ष नियोग नासाले सोमवार राति इन्साइट ल्यान्डर उतार्न सफल भएको छ । 

इन्साइटले मंगलको आन्तरिक संरचना पृथ्वीभन्दा कति फरक छ, पत्ता लगाउनेछ । 

इन्साइटलाई मंगलमा अवतरण हुन सात मिनेट लागेको थियो । सात मिनेटसम्म संसारभरिका वैज्ञानिकहरूले अवतरण प्रक्रिया लाइभ हेरे । इन्साइट मंगलको सतहमा पुगेपछि वैज्ञानिकहरूले हर्षोल्लास मनाए । 

नासाका प्रशासक जिम ब्राइडेनस्टाइनले इन्साइटले टचडाउन गरेको घोषणा गर्दै सबैलाई बधाइ दिए । 

मंगल पुग्नका लागि इन्साइटको गति १९ हजार ८०० किलोमिटर प्रतिघन्टा थियो । 

इन्साइटको यो मिसनका लागि ११ हजार करोड रुपैयाँ खर्च भएको छ । मंगलको सतहमा अवतरण गर्नेबित्तिकै दुई वर्षीय मिसन शुरू भएको छ । इन्साइटले मंगलभित्र हुने हलचलको बारेमा पत्ता लगाउनेछ ।

इन्साइट प्रस्थान गर्नेबित्तिकै दुई मिनी स्याटेलाइट पनि उसको पछि लागे र उसको हरेक क्षणको अप्डेट दिए । 

इन्साइटले मंगलमा हुने भूकम्पीय हलचल अर्थात् सेइस्मिक वेभका बारेमा जानकारी बटुल्नेछ ।

Have you ever seen a spacecraft spread its solar wings? @NASAInSight will need to perform the critical task of deploying its solar arrays to power the mission. We expect to get data confirmation this evening. About the #MarsLanding milestones: https://t.co/vnmkKY2MUs pic.twitter.com/3Wx1mvRFvD

— NASA (@NASA) November 27, 2018