काठमाडौं– शुक्रवारदेखि काठमाडौंमा शुरु हुने एसिया प्यासिफिक (प्रशान्त) सम्मेलनलाई मध्यनजर गरेर काठमाडौंका सवारी साधनमा जारी गरिएको जोर बिजोर प्रणाली रातिको समयमा लागू नहुने जनाइएको छ । 

गृह मन्त्रालयको निर्देशनानुसार महानगरीय ट्राफिक महाशाखाले बिहीवारदेखि काठमाडौं उपत्यकाका सवारीमा जोर बिजोर प्रणाली लागू गरेको थियो । 

विभिन्न देशका विशिष्ट व्यक्तिको सुरक्षा र सवारीलाई मध्यनजर गर्दै सरकारले उपत्यकामा जोर बिजोर प्रणाली लागू गरेको जनाएको छ । 

जोर बिजोर प्रणाली राति ८ बजेदेखि विहान ८ बजेको समयमा भने लागू नहुने ट्राफिक प्रहरीले जनाएको छ ।