०२ असार २०८३, मंगलबार
काठमाडौं — श्रीलंकाका अपदस्थ प्रधानमन्त्री रनिल विक्रमसिंघेले बुधवार संसदमा स्पष्ट बहुमत साबित गरेका छन् ।
अक्टोबर २६ मा राष्ट्रपति मैत्रीपाला सिरिसेनाले उनलाई प्रधानमन्त्री पदबाट बर्खास्त गरेका थिए । सिरिसेनाको विवादास्पद कदमबाट श्रीलंकामा राजनीतिक संकट आएको थियो ।
बुधवार संसदमा रहेका २२५ मध्ये ११७ सांसदले विक्रमसिंघेको विश्वास प्रस्तावको पक्षमा मतदान गरे ।
विक्रमसिंघेको जीतलाई सिरिसेनाका लागि झड्काका रूपमा हेरिएको छ । सिरिसेनाले विक्रमसिंघेलाई व्यक्तिगत रूपमा मन नपराएर उनको ठाउँमा पूर्व राष्ट्रपति महिन्दा राजपक्षेलाई ल्याएका थिए । राजपक्षेले संसदमा बहुमत प्राप्त
गर्न सकेका थिएनन् ।
सिरिसेनाबाहेक संवैधानिक हस्तक्षेपको विरोध गर्ने वामपन्थी दल जनता विमुक्ति पेरामुनाका सांसद पनि विश्वास प्रस्तावको मतदानका बेलामा अनुपस्थित रहे ।
सिरिसेनाको युनाइटेड पीपुल्स फ्रीडम अलायन्सले संसद्को बहिष्कार जारी राख्यो ।
सिरिसेनाले विक्रमसिंघेलाई बर्खास्त गरेपछि संसद् भंग गरेर जनवरी ५ मा चुनाव गर्ने घोषणा गरेका थिए । सर्वोच्च अदालतले यो घोषणामा रोक लगाइदिएको थियो ।
एजेन्सी
