१३ असार २०८३, शनिबार
काठमाडौं — चीनले यसै वर्ष मात्र २०० मिटर अग्लो ८८ वटा गगनचुम्बी बनाएको छ ।
भौतिक निर्माणमा नजर राख्ने काउन्सिल अफ टल बिल्डिंग्स एन्ड अर्बन ह्याबिटेटका अनुसार, अग्लो भवनको निर्माणमा यो ऐतिहासिक आँकडा हो ।
एक वर्षमा ८८ वटा गगनचुम्बी भवन कसैले पनि बनाउन सकेको छैन । यति मात्र नभई चीनमा अमेरिकाको तुलनामा १३ गुणा बढी गगनचुम्बी भवन बने ।
अर्बन ह्याबिटेटका अनुसार, संसारभरि यसै वर्ष मात्र १४३ गगनचुम्बी भवन बने । सन् २०१७ मा संसारभरि १४७ गगनचुम्बी भवन बने ।
दक्षिणी चीनको शेनझेनमा मात्र १४ वटा गगनचुम्बी भवन ठडिए । यो शहर संसारको सर्वोत्कृष्ट शहरको सूचीमा शीर्ष स्थानमा रह्यो ।
चीन यून भवनको उचाइ १७ सय ३१ मिटर छ । यो संसारको आठौं सबभन्दा ठूलो भवन हो ।
सीटीबीयूएचको प्रतिवेदनअनुसार, सन् २०१९ मा संसारभरि १५० वटा गगनचुम्बी भवन बनाइने सम्भावना छ ।
तर गगनचुम्बी भवनको संख्या बढ्दा चीनको अर्थव्यवस्थामा असर पर्न सक्ने प्रतिवेदनमा उल्लेखित छ ।
एजेन्सी
