सप्तरी २३ फागुन–नेकपा एमालेको मेची–महाकाली अभियान विथोल्न संयुक्त लोकतान्त्रिक मधेशी मोर्चाका कार्यकर्ताले सप्तरी सदरमुकाम राजविराजमा बिहानैदेखि प्रदर्शन गरिरहेका छन् ।दिउँसो २ बजे गजेन्द्र नारायण सिंह औद्योगिक क्षेत्रमा हुने एमालेको सभा विथोल्न मोर्चाका कार्यकर्ता बिहानैदेखि लाठी जुलुस प्रदर्शन गरिरहेका छन् ।

अप्रिय घटना हुन नदिन स्थानीय प्रशासनले राजबिराजमा बाक्लो सुरक्षा तैनाथी गरेको छ । सभाको तयारी पुरा भएको एमाले स्थायी समिति सदस्य सत्यनारायण मण्डलले जानकारी दिए ।

प्रमुख जिल्ला अधिकारीको मध्यस्थतामा शुक्रवार भएको बैठकमा मोर्चाले एमालेको कार्यक्रम नबिथोल्ने प्रतिबद्धता जनाएको थियो । ‘मोर्चालाई संविधानले दिएको अधिकार प्रयोग गर्दै कालो झण्डा प्रदर्शन र विराध गरे तर कार्यक्रम नबिथोल भनेका छौ’ मण्डलले भने, ‘अन्य दलको कार्यक्रम बिथोल्ने कुरा अधिनायकवादी चरित्र भयो ।’

सुनसरीको इनरुवामा आयोजित सभालाई सम्बोधन गरेर एमालेको मेची–महाकाली अभियानको टोली दिउसो १ बजे सप्तरी प्रस्थान गर्ने स्थायी सदस्य मण्डलले लोकान्तरलाई बताए ।

सन्दर्भ तस्वीरः मधेशस्पेशलबाट