३१ जेठ २०८३, आइतबार
काठमाडौं–सर्लाहीको हरिपुर नगरपालिका– ८ स्थित मुसहर बस्तीका मिथुन माझीको सानो झुपडीमा १७ जनाको परिवार छ । उनको चर्पी छैन ।
एक दिन बिहान झिसमिसेमै खुल्ला ठाउँमा शौच गर्न जाँदा उनलाई प्रहरीले पक्राउ गर्यो । उनीसँगै अरु कृष्ण महरा, शंकर महरा र धनीराम महरालाई पनि प्रहरीले पक्राउ गर्यो ।
माझीले भने– उज्याले भएपछि हामी चारैजनालाई गाउँ घुमाइयो । सार्वजनिक ठाउँमा शौच गर्ने यिनीहरु हुन्, चिनिराखौं भनेर बेइज्जत गरे ।’
आफूहरुलाई अब खुल्ला ठाउँमा शौच नगर्ने सर्तमा छाडिएको भएपनि शौचालय बनाउन सक्ने अवस्था नरहेको उनले बताए । आजको नयाँ पत्रिका दैनिकमा विस्तृतमा खबर छापिएको छ ।
