काठमाडौं– दुर्घटनामा घाइते बाराका प्रमुख जिल्ला अधिकारी (सीडीओ) गणेश भट्टराईलाई थप उपचराका लागि काठमाडौं ल्याउने तयारी गरिएको छ । 

शनिबार  ना१झ १६३३ नम्बरको गाडी दुर्घटना हुँदा उनी गम्भीर घाइते भएका छन् । उनलाई वीरगन्जमा उपचार सम्भव नहुने देखिएपछि काठमाडौं ल्याउन लागिएको हो । 

दुर्घटनामा सशस्त्र प्रहरी बलका एसपी बलराम पोखरेलको घटनास्थलमै मृत्यु भएको छ।  मृतक पोखरेल सशस्त्र प्रहरी बल १२ नम्बर गणका गणपति समेत हुन् । 

बाराको कलैयाबाट निजगढ जाने क्रममा हाईवेमा ट्याक्टरसँग ठोक्किएर गाडी दुर्घटना भएको बताइएको छ । उनीहरु एक पिकनिक कार्यक्रममा सहभागि भएर फर्कँदै थिए ।

दुर्घटनामा अरु दुई जना पनि घाइते भएको बताइएको छ ।