२३ जेठ २०८३, शनिबार
काठमाडौं –प्रमुख प्रतिपक्षी दल नेपाली कांग्रेसले भेनेजुएला प्रकरणमा सरकार र नेकपाको वक्तव्यबाजीबारे प्रधानमन्त्रीको जवाफ मागेको छ ।
प्रतिनिधि सभाको शुक्रवार बसेको बैठकको विशेष समयमा कांग्रेस सांसद डिला संग्रौलाले भेनेजुएला संकटबारे नेकपा र सरकारले जारी गरेको विज्ञप्तिबारे प्रधानमन्त्रीले संसद्लाई जवाफ दिनुपर्ने माग गरेकी हुन् ।
‘अमेरिकालाई चिढ्याउँदै कहिले पनि सम्बन्ध नभएको राष्ट्रको पक्षमा वक्तव्यबाजी गरेर सरकार किन लाग्दैछ ? अमेरिकाले नेपाललाई धेरै ठूलो धनराशी सहयोग गर्दै थियो । यो रोक्ने षड्यन्त्र हो ?’ संगौलाले भनिन्, ‘अध्यक्षले वक्तव्य जारी गर्ने अनि प्रधानमन्त्रीले अध्यक्षको टंग स्लिप भयो भनेर माफी माग्ने ! वक्तव्यमाथि वक्तव्यले मुलुक संकटतर्फ गएको छ । यसबारे प्रधानमन्त्रीले जवाफ दिनुपर्छ ।’
संग्रौलाले कम्युनिस्ट सरकारका कारण देशको अर्थतन्त्र गिर्दो अवस्थामा रहेको आरोप लगाइन् ।
सरकारले अधिनायकवादी शैलीमा प्रतिपक्षलाई पेलेर जाने नीति लिएको भन्दै उनले कांग्रेस फरक ढंगले सोच्न बाध्य हुने चेतावनी समेत दिइन् ।
