काठमाडौं, २८ फागुन– भारतीय सीमा सुरक्षा बल एसएसबीको गोली प्रहारबाट मारिएका कञ्चनपुरका गोविन्द गौतमलाको राष्ट्रिय सम्मानका साथ अन्त्येष्टि गरिने भएको छ । कञ्चनपुरका गोविन्द गौतमको आइतवार अन्तेष्टि गरिने भएको हो ।
विहीबार कञ्चनपुर पुनर्वासा नगरपालिकाको आनन्दबजारमा भारतीय सीमा सुरक्षा बलले चलाएको गोली लागेर गौतमको मृत्यु भएको थियो । उनलाई शहीद घोषणा गर्न चौतर्फी माग भएसँगै सरकारले शुक्रबार शहिद घोषणा गरेको थियो ।
सरकारबाट शहीद घोषित गौतमलाई ११ तोपको सलामीका साथ शोक धुन बजाउने निर्णय भएको कञ्चनपुरका प्रमुख जिल्ला अधिकारी मनोहर प्रसाद खनालले लोकान्तरलाई जानकारी दिए ।
खनालको शव यात्रा भोलि विहान ८ वजे हुनेछ । शवयात्र शहरका विभिन्न स्थानको परिक्रमा गर्दै दोधारा नदीमा पुगेसँगै गोतमको राष्ट्रिय सम्मानका साथ अन्त्येष्टी गरिने भएको छ ।
