काठमाडौं– १८ औं सार्क सम्मेलनमा आउने भीआईपीहरुका लागि त्रिभुवन अन्तर्राष्ट्रिय विमानस्थलमा रातो कार्पेट ओछ्याउने जिम्मा सरकारले नेपाली सेनालाई दिएको थियो । 

भीआईपीका लागि ५ हजार ९ सय ८८ वर्गफिटमात्रै कार्पेट प्रयोग भएको थियो । तर सेनाले ७ हजार २५ बर्गफिट कार्पेट गरिद गरेको विवरण पेस गरेको थियो । 

यसबाट राज्यलाई ४ लाख व्ययभार गरेको थियो । 

रातो कार्पेटको नाममा अनियमितता भएको विषय महालेखापरीक्षकको प्रतिवेदनमा नै उल्लेख थियो । 

सार्क सम्मेलन तयारी शीर्षकमा सरकारले सेनालाई एकमुष्ट १३ करोड ८६ लाख बजेट दिएको खबर नयाँ पत्रिका दैनिकले छापेको छ।   

पत्रिकाले सेनाद्वारा बिनाप्रतिस्पर्धा डेढ अर्बको हेलिकप्टर र तीन अर्बको जहाज खरिद गरिएको समाचार महत्वका साथ छापेको छ ।