४४.४ ओभरको समाप्तीमा ७ विकेट गुमाउँदै केन्याले १५१ रन जोडेको छ । यस अघि शनिवार भएको खेलमा नेपाली ब्याट्सम्यान चल्न नसक्दा नेपालले हार बेहोरेको थियो । आजको खेलमा चाहिँ नेपालले गतिलो प्रदर्शन गरिररहेको छ ।
आज भइरहेको खेलमा केन्याका सुरुवाती दुई विकेट मेहबुब आलमले ढालेका हुन् । आलमले सुरुवाती चरणमै दुई विकेट लिएपछि केन्या दबाबमा परेको थियो । त्यसपछि पनि नेपाली बलरहरुको तेज कायमै रहेपछि केन्या दबावमा परेको छ ।
कप्तान पारस खड्काकोे अनुपस्थितिका बाबजुत नेपालले राम्रो प्रदर्शन गरिरहेको छ । खड्का खेल्न नसकेपछि उप कप्तान ज्ञानेन्द्र खड्काको कप्तानीमा नेपाल मैदानमा उत्रिएको छ ।