०६ असार २०८३, शनिबार
काठमाडौं– सरकारले ताप्लेजुङमा भएको हेलिकोप्टर दुर्घटनामा संस्कृति पर्यटन तथा नगारिक उड्डयनमन्त्री रवीन्द्र अधिकारीसहित सातजनाको निधनमा बिहीबार राष्ट्रिय शोक घोषणा गरेको छ । बुधबार साँझ बसेको मन्त्रिपरिषद् बैठकले राष्ट्रिय शोक घोषणा गरेको हो ।
राष्ट्रिय शोकमा सरकारले बिहीबारलाई सार्वजनिक विदा दिएको छ । मन्त्रिपरिषद्को बैठकपछि गृहमन्त्री रामबहादुर थापाले बिहीबार सरकारी कार्यालयमा झण्डा आधा झुकाइने बताए । साथै बैठकले मन्त्री स्व. रवीन्द्र अधिकारीको राजकीय सम्मानका साथ अन्त्यष्टि गर्ने निर्णय गरेको छ ।
दुर्घटनाको सन्दर्भमा दुर्घटना जाँच नियमावली बमोजिम ४ सदस्यीय जाँच आयोग गठन गरिएको मन्त्री थापाले बताए । हेलिकप्टर दुर्घटनाको छानबिन गर्न बनेको जाँच आयोगमा योग्य प्रसाद गौतमको अध्यक्षतामा दीपक बास्तोला, प्रमोद लामा र बुद्धिसागर लामिछाने सदस्य रहेका छन् ।
