१२ साउन २०८३, मंगलबार
काठमाडौं – जनरल ईन्स्योरेन्स कम्पनी नेपाल लिमिटेड (जीआईसी) नेपाल र गण्डकी विकास बैंकबीच बैंकास्योरेन्स सेवा प्रदान गर्ने सम्बन्धी सम्झौता भएको छ ।
इन्स्योरेन्स कम्पनी तथा बैंकबीच बिहीवार आयोजित एक कार्यक्रमबीच सहमति पत्रमा हस्ताक्षर भएको हो ।
बैंकका प्रमुख कार्यकारी अधिकृत रेशमबहादुर थापा र इन्स्योरेन्सका महाप्रबन्धक एस्के तमोटले सहमति पत्रमा हस्ताक्षर गरेका छन् ।
सहमतिसँगै बैंकका ग्राहकले जनरल ईन्स्योरेन्स कम्पनी नेपाल लिमिटेडले प्रदान गर्ने निर्जीवन बीमा सम्बन्धी सेवासुविधा बैंकका सबै शाखाबाट लिन सक्नेछन् ।
