×

X
Nic Asia
Dabur
Marvel

निगरानी सरकारी सम्पत्तिमाथि : भाग- १

खेलकुद मन्त्रालयका सचिवलाई दुई विलासी गाडी, कार्यालय सहयोगीसम्मलाई सवारी सुविधा [विवरणसहित]

काठमाडाैं | चैत ३, २०७५

TVS INSIDE
British college

काठमाडौं – सरकारी गाडीको दुरुपयोग हुने गरेको विषय नेपालमा पटक–पटक चर्चामा आउने गरेको छ । जनताले तिरेको करबाट किनिएका सरकारी सवारीको दुरुपयोग रोक्न विभिन्न निकायले समय समयमा निर्देशन पनि दिने गरेका छन् । 

IME BANK INNEWS

आजदेखि हामीले विभिन्न सरकारी कार्यालयमा प्रयोग भएका सवारी साधनको अवस्था, खरिद मूल्य तथा इन्धन प्रयोगको अवस्थाबारे पाठकसमक्ष जानकारी प्रस्तुत गर्ने सिलसिला शुरू गरेका छौं ।


Advertisment
NMB BANK
RMC TANSEN
NIC ISLAND BOX

सूचनाको हक प्रयोग गरेर लिइएको जानकारीका आधारमा विभिन्न मन्त्रालय र सरकारी निकायमा सवारी साधन प्रयोगको अवस्था कस्तो छ, क्रमशः प्रस्तुत गर्दै जानेछौं । हाम्रो यस कदमले सुशासन र पारदर्शितामा मद्दत पुग्ने विश्वास लिएका छौं ।

पहिलो चरणमा आज हामीले युवा तथा खेलकुद मन्त्रालयमा रहेका सरकारी सवारी साधनको अवस्था, सवारी साधनको सुविधा लिएका पदाधिकारी र उनीहरूले पाउने इन्धन सुविधाबारे विवरण प्रस्तुत गर्दैर्छौं । 


Advertisment
mahindra Box
Saurya island

सचिवलाई दुईवटा गाडी !

युवा तथा खेलकुद मन्त्रालयमा सचिवका लागि दुईवटा गाडी छुट्याइएको छ, त्यो पनि दुवै विलासी । उक्त मन्त्रालयमा हाल कृष्णप्रसाद देवकोटा सचिव छन् । यद्यपि उनी सरुवा भएर आएको करीब एक महिना मात्र भयो । देवकोटा भन्दा अघि हालका पर्यटन सचिव मोहनकृष्ण सापकोटा खेलकुदमा थिए ।

Vianet communication
Sanima Bank

खेलकुद मन्त्रालयले सचिवको प्रयोजनका लागि बा २ झ ३५२२ नम्बरको टाटा सफारी स्ट्रोम र बा २ झ २६५० नम्बरको ह्युण्डाइ क्रेटा गाडी छुट्याएको छ । सफारी २०७४ साल चैत १ को मितिमा ५७ लाख ४९ हजार रुपैयाँमा खरिद गरिएको हो भने क्रेटा ०७४ जेठ २ गते ५३ लाख ६ हजार १९५ रुपैयाँमा खरिद गरिएको मन्त्रालयले लोकान्तरलाई उपलब्ध गराएको विवरणमा उल्लेख छ ।

दुई गाडी केका लागि ?

मन्त्रालयका उप–सचिव सुशीला अर्यालका अनुसार हालका सचिव कृष्णप्रसाद देवकोटाले टाटा सफारी गाडी चढ्ने गरेका छन् । उनकै कुरा मान्ने हो भने क्रेटा गाडी जगेडामा छ । यद्यपि हामीलाई मन्त्रालयले उपलब्ध गराएको विवरणमा उक्त गाडी सचिवकै प्रयोजनका लागि भनेर राखिएको छ ।

‘सचिवज्यूले अहिले एउटा गाडी मात्र चढ्नुहुन्छ, अर्को गाडी जगेडामा छ,’ उपसचिव अर्यालले भनिन्, ‘उक्त गाडी मन्त्रीज्यूले माग्नु भएपनि चावी हस्तान्तरण भइसकेको छैन ।’

अर्यालका अनुसार हाल पर्यटनमा सरुवा भएका तत्कालीन सचिव मोहनकृष्ण सापकोटाले भने दुवै गाडी प्रयोग गर्दै आएका थिए । ‘सचिवज्यूले एउटा गाडी राजधानी बाहिर जान र अर्को गाडी राजधानीभित्र प्रयोग गर्नुहुन्थ्यो,’ उनले भनिन्, ‘नयाँ सचिवज्यू आएपछि एउटा गाडी प्रयोग भएको छैन ।’

मन्त्रीलाई सफारी, स्वकीय सचिवलाई स्कोर्पियो

युवा तथा खेलकुद मन्त्री जगतबहादुर विश्वकर्माले बा २ झ ३५२१ नम्बरको टाटा सफारी–स्ट्रोम चढ्दै आएका छन् । उक्त गाडी २०७४ चैत १ गतेको मितिमा ५७ लाख ४९ हजार रुपैयाँमा खरिद गरिएको हो ।

मन्त्री विश्वकर्माका स्वकीय सचिवले भने बा १ झ ८४६३ नम्बरको स्कोर्पियो प्रयोग गर्दै आएका छन् । उक्त गाडी २०६६ साल जेठ ४ गते ४० लाख ५५ हजार रुपैयाँमा खरिद गरिएको थियो ।

क–कसले चढ्छन् गाडी ?

मन्त्री विश्वकर्मा, मन्त्रीका स्वकीय सचिव र मन्त्रालयका सचिव देवकोटाका अलावा सहसचिव गणेशप्रसाद पाण्डे, सह–सचिव अणप्रसाद न्यौपाने, उपसचिव महेन्द्रप्रसाद पौडेल, उपसचिव रविप्रसाद दवाडी, उपसचिव सन्तमणि आचार्य, उपसचिव नवराज घिमिरे र उपसचिव जगदिशचन्द्र शिवाकोटीले पनि मन्त्रालयबाट गाडीको सुविधा लिँदै आएका छन् ।

उपसचिवहरू सुशीला अर्याल, पुरुषोत्तम खतिवडा र अन्य कर्मचारीहरूले प्रयोग गर्नेगरी बा १ झ ४३१८ नम्बरको पजेरो र उपसचिव महेश्वर शर्मा, २ शाखा अधिकृत तथा अन्य कर्मचारीको नाममा बा १ झ ९४८३ नम्बरको बोलेरो छुट्ट्याइएको छ ।

हेर्नुहोस्, गाडी र प्रयोगकर्ताको विवरण :

लिलामीको पर्खाइमा एउटा गाडी

२०६७ सालमा ९ लाख ५२ हजार २५५ रुपैयाँमा खरिद गरिएको बा १ झ ८७५५ नम्बरको गाडी हाल प्रयोगमा नरहेको मन्त्रालयले जनाएको छ ।

'उक्त गाडी प्रयोग गर्न नमिल्ने अवस्थामा छ,' उपसचिव सुशीला अर्यालले लोकान्तरसँग भनिन् । उक्त गाडी सीटीईभीटीका प्रशिक्षार्थीलाई प्रशिक्षणका लागि हस्तान्तरणको प्रक्रियामा रहेको उनको भनाइ छ । 

१९ जनालाई मोटरसाइकल

मन्त्रालयका १९ जना कर्मचारीले मोटरसाइकल प्रयोग गर्दै आएका छन् । मोटरसाइकल प्रयोग गर्नेमा उपसचिव जनार्दन रिजालदेखि कार्यलय सहयोगी लोकेन्द्रबहादुर श्रेष्ठसम्मले मोटरसाइकल प्रयोग गर्दै आएका छन् । एउटा मोटरसाइकल भने यो महिना प्रयोग नभएको मन्त्रालयले उपलब्ध गराएको विवरणमा उल्लेख छ ।

हेर्नुहोस्, मोटरसाइकल चढ्ने कर्मचारीहरूको विवरण

मन्त्रीका स्वकीय समेतलाई सय लिटर इन्धन !

मन्त्री, मन्त्रीका स्वकीय सचिव र मन्त्रालयका सचिवका लागि प्रति सवारी साधन मासिक १०० लिटर इन्धन उपलब्ध हुन्छ । यस्तै सह–सचिवहरूले मासिक ७०–७०, उपसचिव र कर्मचारीहरूको नाममा भनिएका पजेरो र बोलेरोका लागि मासिक ६०–६०, उपसचिव महेन्द्र पौडेलले प्रयोग गर्ने स्पार्कका लागि मासिक २५ र अन्य गाडीका प्रयोगकर्ताले मासिक ५०–५० लिटर इन्धन मन्त्रालयबाट पाउने गरेका छन् ।

मोटरसाइकलका लागि भने मासिक १० लिटर इन्धन छुट्याइएको छ । 

साढे ५७ लाखका सफारीदेखि ८४ हजारका मोटरसाइकलसम्म

मन्त्रालयमा प्रयोग हुँदै आएका गाडीको मूल्य सर्वाधिक ५७ लाख ४९ हजार (टाटा सफारी) र सबैभन्दा कम २ लाख ७० हजार ८ सय (मारुती कार) छ । यस्तै मोटरसाइकल बढीमा १ लाख ६४ हजार ६९० देखि कम्तिमा ८४ हजार ८ सय ४९ रुपैयाँसम्ममा खरिद गरिएको विवरणमा उल्लेख छ । 

हेर्नुहोस्, खेलकुद मन्त्रालयमा प्रयोग हुँदै आएका सवारी साधनका खरिद मूल्य :


 

Maruti inside
NLIC
TATA Below
साउन ११, २०७९

बीपी कोइराला स्वास्थ्य विज्ञान प्रतिष्ठान धरानमा अक्सिजन प्लान्ट जडानदेखि मर्मतको काममा व्यापक अनियमितता भएको पाइएको छ । ठेक्का पाएको कम्पनीले सम्झौता भएको १२० दिनभित्र अक्सिजन प्लान्ट जडान गर्नुपर्नेमा सम्झौता भएको ५ ...

साउन २५, २०७९

प्रधानमन्त्री तथा मन्त्रिपरिषद्को कार्यालयमा सवारी साधन मर्मत तथा इन्धनमा व्यापक अनियमितता भएको पाइएको छ । अन्य निकायलाई मितव्ययिताका लागि निर्देशन दिने प्रधानमन्त्री कार्यालयमै सवारी साधनको चरम दुरुपयोग हुने गर...

भदौ २, २०७९

सरोकारवाला निकायहरूको चौतर्फी विरोध तथा आलोचनाका बीच औषधि व्यवस्था विभागले ६५० एमजीको पारासिटामोल उत्पादन गर्न तीनवटा कम्पनीलाई अनुमति प्रदान गरेको छ । विभाग स्रोतका अनुसार रोयल फार्मेच्युटिकल, नेसनल हेल्थ...

असार ३०, २०७९

नुवाकोटमा सरकारी जंगल नै व्यक्तिको नाममा दर्ता गरेको पाइएको छ । ठूल्ठूला साल, आँप, जामुनसहित अन्य विभिन्न प्रजातिका रुखहरू रहेको ३ रोपनी ६ आना क्षेत्रफलको सरकारी जंगल नै व्यक्तिको नाममा दर्ता गरिएको खुलेको ...

साउन २०, २०७९

झन्डै ४० करोड रुपैयाँको उपकरण सम्झौता भएको १८० दिनभित्र आपूर्ति गर्ने भन्दै ठेक्का पाएको 'लाइफलाइन ट्रेड इन्टरनेसनल प्रालि'ले ५ वर्ष बितिसक्दा आपूर्ति गर्न सकेको छैन । काठमाडौंको चिकित्सा विज्ञान राष्ट्रि...

साउन १७, २०७९

धरानस्थित बीपी कोइराला स्वास्थ्य विज्ञान प्रतिष्ठानमा अनाधिकृत व्यक्ति तथा संस्था समेतले वर्षौंदेखि प्रतिष्ठानको क्वार्टर प्रयोग गरिरहेको पाइएको छ । प्रतिष्ठानमा कार्यरत प्राध्यापक, चिकित्सक, कर्मचारीलगायतले मात्र आवास...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x