३० जेठ २०८३, शनिबार
काठमाडौं – दक्षिण अफ्रिकाको क्रूजर राष्ट्रिय निकुञ्जमा मुटु कँपाउने एउटा भिडियो अहिले सामाजिक सञ्जालमा भाइरल भइरहेको छ ।
भिडियो निकुञ्जले आफ्नो युट्युब च्यानलमा शेयर गरेको हो ।
निकुञ्जमा राँगोलाई सिंह र गोहीले घेर्छन् तर कडा संघर्षपछि राँगो ज्यान जोगाउन सफल हुन्छ ।
सिंहको झुण्ड इम्पाला नामक जनावरको शिकार गर्न आएको बेलामा नदीनजिक राँगो देख्छ । पहिला त राँगोले उसलाई पर भगाउने प्रयास गर्छ तर सिंहका झुण्डले उसलाई घेर्छन् ।
अनि राँगो नदीमा पस्छ । बिचरोलाई के थाहा, नदीमा पनि गोही उसलाई शिकार गर्न तयार बसेको रहेछ ।
गोहीले उसमाथि आक्रमण गर्छ । राँगो निकै प्रयासपछि नदीबाहिर आउँछ र धेरै बेर उभिन्छ ।
त्यसपछि उसले सिंहहरूको सामना गरेर उनीहलाई दौडाउँछ । केही समयपछि राँगोको झुण्ड आएर सिंहहरूलाई भगाउँछन् ।
एजेन्सी
