१४ असार २०८३, आइतबार
काठमाडौं – श्रीलंकाका विलासी होटल र चर्चहरूमा आइतवार भएको शृंखलाबद्ध बम विस्फोटमा परी मर्नेको संख्या १३८ पुगेको राष्ट्रिय अस्पतालका निर्देशक अनिल जसिंघेले बताएका छन् ।
राजधानी कोलम्बोमा ४९ जना, नेगोम्बोमा ६२ जना अनि बाट्टिकालोआमा २७ जना मारिएको उनले बताए ।
कोलम्बोमा २०० जनाभन्दा बढी घाइते भएका छन् भने नेगोम्बोमा ११० जना घाइते भएका छन् । बाट्टिाआकालोआमा ६७ जना घाइते छन् ।
‘अस्पतालहरूमा स्थिति नियन्त्रणमा छ,’ उनले बताए ।
आइतवार बिहान कोच्चिकाडे, कटाना र बाट्टिाकालोआका तीन चर्च र कोलम्बोका तीनवटा पाँचतारे होटलमा विस्फोट भएको कोलम्बो प्रहरीले जनायो ।
कोच्चिकोडेको सेन्ट एन्थोनी चर्च, कोटाहेना र सेन्ट सेबास्टियन चर्चमा विस्फोट भएको हो ।
पाँचतारे होटलहरू शांग्रिला, सिन्नामोन ग्रान्ड र किंग्सबरीमा विस्फोट गराइएको थियो ।
विदेशी पर्यटकहरू पनि हताहती भएको प्रहरीको भनाइ छ ।
डेली मिररबाट
