२६ जेठ २०८३, मंगलबार
तनहुँ- नगर प्रहरी छनोट प्रक्रियामा अनियमितता भएको भन्दै स्थानीयले तनहुँको भानु नगरपालिकाको कार्यालयमा आइतवार बिहान तालाबन्दी गरेका छन् ।
छनोट प्रक्रिया विपरीत अयोग्य उम्मेदवारलाई उत्तीर्ण गराएको भन्दै उनीहरूले नगरपालिकाको कार्यालयमा तालाबन्दी गरेका हुन् ।
यसै विषयलाई लिएर शुक्रवार समेत कार्यालयमा तालाबन्दी गरेका स्थानीयले पुनः आज बिहान तालाबन्दी गरेका छन् । स्थानीयले लगाएको ताला प्रहरीले शुक्रवार बल प्रयोग गरेर खुलाएको थियो ।
भानु नगरपालिकाका प्रमुख उदयराज गौलीले विधि र प्रक्रिया पुर्याएरै नगर प्रहरी छनोट गरिएको बताए । परीक्षामा नाम ननिस्किएपछि धाँधली भयो भन्नु गलत रहेको उनको भनाइ छ ।
