१५ असार २०८३, सोमबार
एजेन्सी- लोकसभा निर्वाचन २०१९ को मतगणना धमाधम भइरहेको छ । प्राय: राज्यमा भारतीय जनता पार्टी (भाजपा)ले अग्रता लिइरहेको छ ।
एक्जिट पोलअनुसार नै भारतमा मोदी हाबी भइरहेका छन् । यतिबेला पुन: विश्वको ध्यान नरेन्द्र मोदीमाथि खिचिएको छ ।
अब कुरा गरौं मोदीको ट्वीटको ।
भारतीय प्रधानमन्त्री नरेन्द्र मोदीको एउटा ट्वीट इतिहास बनेको छ । उनको उक्त ट्वीट एक लाखभन्दा बढी पटक रिट्वीट गरिएको छ भने करीब ८५ हजार मानिसले लाइक गरेका छन् ।
India has won! भारत की विजय। अच्छे दिन आने वाले हैं।
— Chowkidar Narendra Modi (@narendramodi) May 16, 2014
१६ मे २०१४ मा नरेन्द्र मोदीको अगुवाइमा बीजेपीले जीत हासिल गरेको थियो, त्यसबेला उनले दिउँसो १२ बजे एक ट्वीट गरेका थिए । जुन इतिहास बन्यो । उनले ट्वीटमा लेखेका थिए, 'भारतको विजय, राम्रो दिन आउँदैछ ।'
सामाजिक सञ्जाल प्रयोगकर्ताले मोदीको ट्वीट कुरिरहेका छन् ।
उनले आफ्नो विजय निश्चित भएपछि ट्वीट गर्न सक्नेछन् । भारतीय मिडियाले त मोदीको विजय 'पक्का' भनिसकेको छ ।
