१४ असार २०८३, आइतबार
काठमाडौं– काठमाडौं तारकेश्वर नगरपालिका–११ जरङ्खु लामबगरमा ट्रिप्परको ठक्करबाट मोटरसाइकलमा सवार एक जनाको मृत्यु भएकव छ ।
बुधवार बा.५ ख ६४४९ नम्बरको ट्रिप्पर र बा. ८० प ७२९० नम्बरको मोटरसाइकल एकआपसमा ठोक्किँदा मोटरसाइकलमा सवार रसुवा घर भएका हाल तारकेश्वर नगरपालिका–४ गुहेश्वरी बस्ने २७ वर्षीय आकाश तामाङको मृत्यु भएको छ ।
दुर्घटनामा गम्भीर घाइते भएका उनको वीर अस्पतालमा उपचारको क्रममा मृत्यु भएको प्रहरीले जनाएको छ ।
दुर्घटनामा घाइते भएका मोटरसाइकलमा सवार नुवाकोट घर भई हाल तारकेश्वर नगरपालिका–११ जरङखु बस्ने २८ वर्षीय राजकुमार तामाङको सोही अस्पतालमा उपचार भइरहेको छ ।
दुवै सवारी साधन र चालकहरूलाई नियन्त्रणमा लिएको प्रहरीले जनाएको छ ।
