२८ जेठ २०८३, बिहीबार
काठमाडौं – जापानको कावासाकीमा एक व्यक्तिले विद्यालयमा जथाभावी चक्कु प्रहार गर्दा तीनजनाको मृत्यु भएको छ भने १६ जना घाइते भएका छन् ।
मारिनेमा एक बालिका विद्यार्थी र ३० वर्षका एक पुरुष छन् । आक्रमणकारीले १५ जना बालिकामाथि आक्रमण गरेपछि आफैंलाई छुरी धसेर आत्महत्या गरेको प्रहरीले बतायो ।
प्रहरी अनुसन्धानकर्ताहरूले आक्रमणकारीलाई पक्राउ गरेका थिए । तर उक्त व्यक्तिले आफूलाई घाँटीमा चोट लगाएपछि उसको मृत्यु भएको बताए ।
कानागावा प्रहरी अधिकारीहरूले धेरैजसो पीडितहरू नोबोरितो स्टेसननजिक तामा वार्डमा रहेको स्कूल बस स्टपमा गाडी कुरिरहेका थिए । उनीहरू कारितास इलेमेन्टरी स्कूलमा अध्ययनरत थिए ।
आक्रमणकारीले दुवै हातमा चक्कु बोकेर बालिकाहरूमाथि आक्रमण गरेको थियो । अधिकारीहरूले दुवै चक्कु घटनास्थलबाट बरामद गरेका छन् ।
‘मैले बिहान फायर इन्जिनहरू आएको आवाज सुनें र एकजना मानिस भुइँमा रगतपच्छे भएर लडिरहेको देखें,’ त्यतै नजिक बसेका एक व्यक्तिले बताए । ‘विद्यालयका बालबालिकाहरू स्कूल बस स्टपनेर भुइँमा लडिरहेको मैले देखें । स्कूल ब्यागहरू चारैतिर छरिएका थिए । अर्का एक व्यक्ति स्टपनेर भुइँमा रगत चुहाउँदै लडिरहेका थिए,’ उनले भने ।
कारितास विद्यालयका अधिकारीहरूले पीडितहरू सबै त्यही विद्यालयका विद्यार्थी हुन् कि हैनन् भनी पुष्टि गरेनन् र थप सूचना संकलन गरिरहेको जानकारी दिए ।
जापान टाइम्सबाट
